يا ما حلا البر وأنسامه **** ينعش القلب ويجلي هوجاسه
ويا ما حلا منظر ربيعه وأزهاره**** تبهج مناظرها وتذهب أوجاعه
يا ما حلا البر وأنسامه *** ينعش القلب ويجلي هوجاسه
ويا ما حلا منظر ربيعه وأزهاره *** تبهج مناظرها وتذهب أوجاعه
ويا زين جلسته ويا زين مجلاسه *** على ناعمات الرمل ولا على أعشابه
بهامات الشقيقه ولا سهول اليمامه *** بروضة التنهات أو الثمامه
حول ضواً من أطيب أحطابه *** رمث وأرطا وكسرة غضاته
وصفر الدلال مركدات على جنابه *** مبهراتً كلن على مزاجه
والتعاون مبدأ كل واحد وعنوانه *** مالهلب يور سلف عندنا مكانه
هذا ينزل وذا يحطب الاغصان اليباسه *** وهذا يطبخ وذا يفرش فراشه
وإذا سمرنا تسمر معنا الذيابه *** مزح خفيف وقصص وقصاده
مودعين الزعل من ركبة السياره *** ومتعوذين من إبليس وأعوانه
متجنبين الغيبه مالنا بفلان وفلانه *** و نكره كذب الكذاب وبهتانه
بوقت الجد نجيب الجد وأجداده *** ونصلي الفرض بأول أوقاته
وإذا مشينا كلن جمع قشاشه *** وتوكلنا على المولى جل شأنه
وختامها صلاة ربي وسلامه *** على نبينا محمد و الصحابه
ـــــــــــــــــــــــــــــــــــــــــــــــــــــــــــــــــــــ
نظم : مساعد
صح لسانك..
صح لسانك وعسانا من ربعك.
صح لسانك
وجت بوقته ومناسبة لجو الطلعات الحين
شاكر مروركم وتعقيبكم الجميل
وصحت بدونكم
وزي ما يقول المثل هذا طبعي وانتم ربعي
شرفتونا بالمدونه
صح لسانك …. وسمعنا أنه كان فيه منشد بينشدها .. وش سار علينا
إيه صحيح وهو المنشد الصاعد أبو سهام ( محمد الفضل ) لكن للأسف حصلت إشكاليه فنيه وما تم إنشادها
على قولة ( ابو عبدالله ) عطنا غيرها!!!!!!!!!!!!!
صح لسانك اخوي..وسلمت على القصيده الطيبه
ماشاء الله عليك ..
مع كلماتك عيشتنى جو البر..بحلوه..والفته
تقبل .. مروري وتقديري..
اختك زجااج
صح الله لسانك آخوي مساعد القباني ..
عندي طلب بسيط .. ياليت تلبيه .
اللي هو قصيدة ( آنا السفيه اللتي تعلم من الناس .. وعلم جميع الناس معنى اللباقة )
هذا اللي أحفظه منها .. وأعتبره بيت عن قصيدة ..
وأعذرني لو نقصت كلمة أو حرف من البيت المذكور ..
ونعم اخوي بارك الله فيك
ونعم اخوي بارك الله فيك
يازين البر والله
اخوي زايد الحربي
هذي ليست مدونة الأخ مساعد القباني و مدونة الأخ مساعد القباني على الرابط هذا
http://www.mosaed.com/wp
والقصيدة اعتقد انها موجوده في منتديات الروح
صح لسانك
رائع ما طرحت
[...]
> يا محلا البر [...]