الواجب التدويني

10 03 2008

………..((  الأصوات المزعجة  )) ………..

بالصراحه انا مبطي عن الواجبات والاختبارات و” البراشيم” لي اللحين تقريباً 6 سنوات عن الدراسه ،،، لكن اليوم استاذي في جامعة ورد برس الاستاذ عبود  عطانا واجب منزلي نحله في دفتر الواجب ،،، وأبلتي الخصوصية مضيعة بيتهم  يوم شافت السؤال شرحتلي المطلوب وشددت على أني لازم أحل الواجب .. فالشكوى لله أجتمعت مدرس في الجامعه شديد وعنيف وكلمته وحده والدرجات تحت أيده ومدرسه خصوصية وماعندها يمه أرحميني كل غلطه بدقه .. فأنا مجبر على حل الواجب لا استطيع التملص والتهرب لمشاهدة أفلام الكرتون هههه..

الأصوات المزعجه الله يسلمكم هي كما يلي :

1) اصوت أخواني الصغار الله يصلحهم إذا قاموا يسولفون او يلعبون ، خاصة إذا كنت مبطي عنهم فأكون غير معتاد على الضجه.

2)  رنة الجوال إذا كنت لاهي بعمل او ساهي بهواجيسي ..

3) صوت ديك الجيران المبحوح ،، اللي راج راسي رج في كل وقت وفي كل حين ..

4) صوت أم الجيران وهواشها على عيالها وعلى سواقها ( الحمدلله على العافية ) ..

5) صوت الجوع اللي يطلع من المعده اذا كنت معزوم عند احد يفشلك كأنك تقول لهم يالله جيبوا غداكم ههه ..

أظن كذا يكفي انشاء الله .. وعساهم يعطوني درجات زينه

وأمرر هالواجب لكل من :

shetwi – أبو علي بن عليهندأكليل  

Advertisements

إجراءات

Information

16 تعليق

10 03 2008
mbet0hm

صوت الديك المزعج ، كان في بيت جيران ديك ،، وكان قمة بالازعاج وحضيرة الدجاج قريبة من غرفتي بالاخير صار يجي بعوض كثير ..
طلبوا رجال الحي انه يشيل الديك والدجاج اللى عنده لان (1) منظر غير حضاري بالحي
(2) فلونزا الطيور
واذا ماشال الديك والدجاج حقة بينادون البلدية ،، وعلى طول شال الديك وزوجته الدجاجة

=) وصار هدووووووء ..

اما المقدمة الماساوية اللى كاتبها بالبداية ،، شدعوة قايلين لك اكتب موضوع تعبير ..

كل حل واجب 🙂

واشكرك على الحل

وتستاهل 10 من 10

وسلملي على جارتكم لما تصارخ ،، افتح الشباك واصرخ وقول بـــــــــــــــــــــــــــــــــــــــــس

10 03 2008
منال الزهراني /قلم حر

مزعج ؛ صح مزعج

بالذات صوت الجارة ذا !

الله يعينكم 🙂

بالتوفيق مساعد

10 03 2008
hope

والله حلك تستاهل عليه الدرجة الكاملة وخاصة انك متعب نفسك وجايب أستاذة خصوصية ومن ناحية صوت الصغار ياعيني على الازعاج وخاصة اذا كانوا من مختلف اللأعمار
وأنت أم الجيران وحنا أبو الجيران ياعليه صوت مشاءالله عليه وأصوات الأولاد اذا صارو قاعدين بالأرض اللي جنبكم وصايره لهم ملجأ وخذ ياطق وصراخ هههه الله يخليهم لأهلهم …

10 03 2008
مساعد

أأأ أهلاً استاز أبله مضيعه هههه
ايو الله ان هالديك مسويلي معاناة كل ما جيت انام فقع راسي من الصياح لا وليته الفجر بس بكل وقت .. لكن شكل معاناتكم اكبر اللي خليتوه يقشعهم بالغصب..
بعدين هو كذا الدرس لازم ازينله تمهيد ههههه

زين عافيه عليتش ابله عطيتيني الدرجه الكامله
وترى جارتنا تسلم عليك ههه بس بنصيحتك زاد الطين بله هههه
::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-
منال الزهراني
يوووه لو تسمعينها واااوه

وياك اختي ربي يعينك

::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-

hope

فتي اشلون الدراسة صعبه جايب خصوصي عشان تشرحلي شرح عبود ههه
أما أزعاج اخواني ما شفتي كيف شي يهول خاصة اذا تجمعو على الاكل سبحان الله ما تجي السوالف الا بها الوقت
الله يعيننا ويعينكم على اذى جيراننا

10 03 2008
عبود

مساعد..

على خبري راعي دراسة

تستاهل الدرجة

1/10

بالتوفيق.. 🙂

11 03 2008
إكليل

آآآآآآآآآآآآآآآآآآآه يامساعد

يعني مرة وحدة واجب

يكفي مشاريع وواجبات الكلية ياخييي

طيب الوعد بالطلعة !!!

زي ما توقعت دافور على خبري

11 03 2008
rose1990

ههههههههههههه الله يهدي جارتكم 😀
المقدمة بوست لحالها خطيرة :mrgreen:
تسلم على التدوينة
🙂

11 03 2008
مساعد

هلا عبود
على خبرك لكن وراك ياخوي ما تعطين الدرجة الكاملة

::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-
إكليل
وش نسوي ياخوي واجب ملزوم احلووه
وراك تتوعدنا ياخوي بتجلدني بالطلعه ههههه

::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-
rose1990
آميييين الله يصلحه ويكفينا شره 🙂
الله يسلمك روز ،، منورة المدونة بوجودك اختي

11 03 2008
هند

ليه يا أستاذ مساعد .. أوكي نردها لك في الأفراح .. و الله ( ام توو اولد ) على الواجبات ..
بس عشان خاطرك بحله .. بس الخميس إن شاء الله ..
..
مساعد وين ساكن بالضبط أكيد إنت ساكن بالرياض !! ؟ .. ديك و صوته مبحوح بعد 🙂
أم الجيران ( لووول ) .. لايكون إنت جارنا 🙂 .. بس ماعندنا ديك صوته مبحوح 🙂 ..
أما صوت الأطفال 😦 .. ما ألومك ..
Thanks any way

12 03 2008
حلمي معي

يحليلك تحل واجباتك ما شا الله
مو ثملي مطنشه الواجب بكره قبل طابور الصباح راح احله كل العاده
ماادري ما جا على بالي احله
ان شا الله احله عن قريب

2) رنة الجوال إذا كنت لاهي بعمل او ساهي بهواجيسي ..
الي ماخذ عقلك يتهنابوه

امزززززززح

تقبل مروري
حلمي معي
اسفه جا الرد متاخر شوي

12 03 2008
مساعد

هند
هههههههههههه
خليك تتذكرين ايام الدراسة وايام الاجتهاد وسهر الليالي حلوه ذي ( أم تو أولد ) هههه

لا تكونين انتي جارتنا ههه اللي صوتها يلعلع .. هدي اعصابك وروقي بالك 🙂
ماشفتي شي اما الديك المبحوح دايما ما يتقصد يأذن في الوقت اللي ابي اريح فيه ..

بانتظار اجابتك يوم الخميس .. شكلها بلللاوي 🙂

::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-::-

حلمي معي

ايه انا كانو يسموني الدافور ههه كنت مسوي حريص وجيد في الدراسة 🙂

كفشتيني باللي مآخذ عقلي ههه

شكراً للمرور الكريم وماعليك لو جيتي متأخرة مشرفة مدونتي

13 03 2008
.:واجب الأصوات المزعجة :.

[…] كلفني الأستاذ مساعد بحل واجب الأصوات المزعجة ..( و لأني ما حليت واجب من سنوات .. قررت أكتب […]

21 05 2008
الواجب التدويني الثالث « ..:: مدونة مساعد ::..

[…] والفائدة أيضاً ..وقد سبق هذا الواجب واجبان هما واجب الأصوات المزعجة وواجب العيوب الشخصية أو كما سماه بعض المدونين بنشر […]

17 06 2008
الواجب التدويني الرابع « ..:: مدونة مساعد ::..

[…] أعلم من أين يأتوننا بهذه الواجبات .. واجب الإزعاج ، واجب منشر الغسيل ، واجب القرأة والنصوص وهذا الآن […]

13 05 2009
عناقيد » Blog Archive » الواجب التدويني الرابع

[…] أعلم من أين يأتوننا بهذه الواجبات .. واجب الإزعاج ، واجب منشر الغسيل ، واجب القرأة والنصوص وهذا الآن […]

13 05 2009
عناقيد » Blog Archive » الواجب التدويني الثالث

[…] والفائدة أيضاً ..وقد سبق هذا الواجب واجبان هما واجب الأصوات المزعجة وواجب العيوب الشخصية أو كما سماه بعض المدونين بنشر […]

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s




%d مدونون معجبون بهذه: